‘Uitbarsting van rassisme’ tydens wêreldbekersokker ná Neymar-besering

Nadat ‘n swart speler van Colombië die jong Brasiliese sokkerster, Neymar (volle name Neymar da Silva Santos Júnior) beseer het, het ‘n “uitbarsting van rassisme” gevolg en het die Colombiaan etlike doodsdreigemente ontvang.

Brasiliërs op Twitter vaar uit teen die swart Colombiër, Juan Camilo Zuniga, wat Neymar se rugwerwel gekraak het en huiwer nie om na sy ras te verwys nie. In die sokkerwêreld – ook in Europa – bestaan daar ‘n algemene opvatting by ondersteuners dat swart spelers makliker as blankes die reëls oortree en daarmee die spel bederf, asook beserings veroorsaak.

Daarom is die wêreldbekertoernooi in Brasilië tot “die toernooi teen rassisme” verklaar en word daar by elke wedstryd ‘n eed deur die spelers teen rassisme afgelê en word baniere teen rassisme op die veld vertoon.

Zuniga se vuilspel teen Neymar, wat nou in 'n rassevoorval ontwikkel het
Zuniga se vuilspel teen Neymar, wat nou in ‘n rassevoorval ontwikkel het

Dit lyk egter asof dit geen uitwerking gehad het nie, want die Brasiliërs is woedend vir Zuniga, dermate dat ‘n Franciskaanse monnik van Sao Paulo, David Santos, dit nodig geag het om sy landgenote te betig. “Dit mag verrassend wees vir buitestaanders, maar die wyse waarop ons Colombiese broer behandel word, toon weereens dat Brasilië een van die mees rassistiese lande ter wêreld is.” Santos is hoof van ‘n liggaam genaamd Educafro, wat swart en voorheen benadeeldes vir universiteitstoelatingseksamens voorberei.

Die swart Colombiër is deur FIFA kwytgeskeld, wat aangekondig het dat daar geen tugstappe teen hom gedoen sal word nie.

Die New York Times, die wêreld se mees invloedryke liberale koerant, het insgelyks die voorval aangegryp om Brasilië daarvan te beskuldig dat hy nog nie die “erfenis van slawerny verwerk het nie”. Die koerant kritiseer ook die feit dat blankes steeds die topvlakke van die regering en die privaatsektor “oorheers”.

Brasilië het in 1888 slawerny afgeskaf en daarmee gelykheid aan sy swart inwoners verskaf. Meer as die helfte van die land se inwoners is egter swart of van gemengde ras, wat die land die grootste swart bevolking van enige land buite Afrika gee.

In navolging van die VSA, Brittanje, Suid-Afrika en ander Engelse lande, het Brasilië onlangs ook regstellende aksie ingestel om die aantal swart studente aan openbare universiteite te verhoog en kwotas vir swartes in die staatsdiens in te stel. Die land beskik ook oor wetgewing wat rasse- en etniese diskriminasie verbied.

Vroeër vanjaar was daar egter ‘n rassevoorval in die land wat volgens linkses tot slegs ‘n “ligte straf” gelei het. Tydens die voorval het ondersteuners van die suidelike klub Esportivo op ‘n swart skeidsregter, Marcio Chagas da Silva, geskree dat hy moet “teruggaan oerwoud toe” en het piesangs op sy motor gesmeer. ‘n Sokkerhof het die klub beveel om ‘n kleinerige boete te betaal en om vyf wedstryde weg van hul tuisveld te speel. In Sao Paulo het ondersteuners vroeër vanjaar blykbaar “rassistiese beledigings” aan die middelveldspeler Marcos Arouca da Silva geskree.

Neem deel aan die gesprek en lewer gerus hier onder kommentaar!

L.W. U gebruik die Disqus-kommentaarafdeling op eie risiko en PRAAG, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene "trol"-gedrag. Enigeen wat só 'n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.
  • Hanno

    Is die “swartes” afstammelinge van beide swart Negers en rooibruin Indiane?

  • Ratel

    Daar is ‘n eenvoudige formule wat regoor die wereld toegepas word.:
    – Hoe donkerder jou vel is, hoe moeiliker is dit om jou van rassisme te beskuldig.
    – Hoe ligter jou vel is, hoe makliker is dit, veral deur die wat donkerder as jy is, om jou van rassisme te beskuldig.
    – As jy blank is, is jy waarskynlik ‘n rassis.
    – As jy ‘n blanke Afrikaner is, is jy definitief ‘n rassis jy is nog net nie aangekla nie.
    – As jy ‘n donker vel het, is dit makliker om te skree dat ander rassisties teenoor jou is.
    – Asjy ‘n wit vel het, het jy geen rede om te mag se dat iemand ander rassities teenoor jou is nie. (kyk eerste punt.)
    – Rassisme is die ergste “ootreding” wat ooit gemaak kan word. Moord, verkragting, diefstal en ander eerste bylae oortredings volg daarna.
    – As jy ‘n argument verloor, skiet die rassismekaart, dit sal altyd sorg dat jou opponent in skaamte wegsluip.
    – As jy gevang word dat jy een of ander oortreding gepleeg het, is dit net nodig om die ander party te beskuldig dat hulle rassities is. Dit bewys gewoonlik jou onskuld.
    – As jy nie weet hoe om ‘n land te oorwin nie, sorg dat die wat ligter vel is, elke dag daaraan herinner word dat hulle eintlik rassiste is as hulle nie gedwee wil staan en toekyk hoedat hulle land gesteel, gepunder, verniel en verkrag word nie.
    – As jy patrioties teenoor jou kultuur en jou eiegoed is, sorg dat jy daaraan herinner word dat jy rassisties is want jy ontneem die anderes die geleentheid om nie jou goed te mag vat nie. Overgesetsynde ontneem jy die anderes om nie hulle eie kultuur en eiegoed te mag koester nie.

    En o ja. Moet in vadersnaam net nie die Stem sing nie. Vuilpiet en daggakop Kombuis hou nie daarvan nie.

  • Rooikop

    Een van sy werwels gekraak deur vuilspel? DIT moet eintlik ‘n saak van aanranding wees.
    HIerdie “eed teen rassisme” is wat hierdie nuwe wêreld anti-God mense heeltyd mee besig is. Jy moet heeltyd sweer by dit of dat (Ons ou laerskoolhoof ene wilbers het ook altyd een of ander f eed wat hy wou hê mens moet aflê – regte NG dweper broederboner gewees in my opinie). Hierdie bewys net weereens hoe die sport afgode geprys word – spele terwyl Rome brand-. Die sportsterre en kunstenaars is die hoëpriesters van hierdie nuwe eenwêreld afgodediens.