Korrupte voormalige minister onttrek van ANC-lys

Die voormalige minister van kommunikasie, Dina Pule, het die ANC se benoeming vir die party se parlementêre kandidatelys van die hand gewys.

“Ek het lank nagedink oor wat ek met die res van my lewe moet doen en alhoewel ek ŉ lojale en toegewyde ANC-lid bly, is dit in my beste belang en in die van my kinders en familie dat ek van die ANC-lys onttrek,” het Pule in ŉ verklaring gesê.

Pule is verlede jaar as minister afgedank nadat ŉ verslag deur Thuli Madonsela, openbare beskermer, haar betrek het by aanklagte van korrupsie en ŉ moontlike botsing van belange. Madonsela se ondersoek het gehandel oor Pule se aanstelling van diensverskaffers vir ŉ indaba wat in Kaapstad gehou is. Madonsela het bevind dat Pule haar kêrel, Phosane Mngqibisa, ingestop het.

Pule was nommer 70 op die ANC se lys van parlementêre kandidate, en dus van ‘n plek in die Nasionale Vergadering verseker.

Neem deel aan die gesprek en lewer gerus hier onder kommentaar!

L.W. U gebruik die Disqus-kommentaarafdeling op eie risiko en PRAAG, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene "trol"-gedrag. Enigeen wat só 'n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.