Suid-Afrikaner verbeter para-w?reldrekord

Shireen Shapiro, paraplegiese swemmer, het die wêreldrekord vir die 100m rugslag by die Wêreld Paralimpiese toernooi in Manchester, Engeland, verbeter.

Die 17-jarige sal in alle waarskynlikheid Suid-Afrika in hierdie jaar se Paralimpiese Spele in Beijing in Augustus verteenwoordig.

Sy het 'n vorige rekord wat deur Michaela Rutherford van die VSA by die 2004 Olimpiese Spele in Athene opgestel is, met 40 breukdele van 'n sekonde gebreek, met 'n tyd van 1 minuut, 11 sekondes 88.

Shireen is deels verlam nadat sy in 'n waterski-ongeluk op die Vaal beseer is. 'n Motorboot het oor haar gevaar en haar pelvis is vergruis.

Sy wou egter nog altyd mededingend swem.

Haar moeder het gisteraand gesê dat sy 'n ongelooflik postiewe lewensuitkyk het.

Neem deel aan die gesprek en lewer gerus hier onder kommentaar!

L.W. U gebruik die Disqus-kommentaarafdeling op eie risiko en PRAAG, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene "trol"-gedrag. Enigeen wat só 'n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.