Nou wie’s nou dom, hû?

Dit het onder my aandag gekom… wel eintlik kwetter en kraak die omgewing al vir jare met die onregse mense se selfvoldane stelling dat hulle, dank Vader (of Moeder, afhangende van hoe stuitig hulle aanbid) nie dom is soos die Afrikaner nie. Dit is een van die pilare van die Suid-Afrikaanse liberalis se politieke credo: Regses (Afrikaners) – dom. Linkses (Suid-Afrikaners, wat uitgesoekte Afrikaanssprekendes kan insluit) – slim.

Jy kan dit tot ‘n kripnota vir UJ-politiekewetenskapstudente reduseer: Regs dom. Links slim. Ek kan – en sal ‘n entjie verder – dié liberale aksioma nekomdraai, maar voor ek dit doen, laat ons net eers ooreenkom waarvan ons praat.

Volksverlate mense soos Antjie Krog, Max du Preez en, deesdae meer prominent, Piet Croucamp, het ‘n afsku en is verskrik deur mense, in hierdie geval Afrikaners, wat die heil van hulle eie mense bo dié van enige ander volk of nasie stel. Daar is ‘n uitdrukking wat sulke mense beskryf: Nasionaliste. Krog, Du Preez, Croucamp et al posisioneer hulleself aan die teenpool van nasionalisme. Hulle noem hulleself  “liberaliste” maar die ironie is vir my net te frank, want die regeringstelsel waaraan hulle verknog is – die kinderoppasserstaat wat op elke gebied eenvoudig moet tussenin – is juis nie bevrydend nie, maar knellend. Die politieke  begrippe “regs” en “links” is ook al so vervreem van die oorspronklike betekenis daarvan en so kwistig gebruik dat dit meer eienamig as polities definiërend geword het. Die anti-nasionaliste het wel ‘n hele leerstelling rondom die begrip “links” uitgewerk en dit tot ‘n selfstandige ideologie ontwikkel, in so ‘n mate dat die begrip “links” die agtervoegsel “is” verdien om dit as ‘n politieke rigting te bevestig. Krog, Du Preez, Croucamp en hulle ideologiese genote is derhalwe “linksiste”.

So die linksistiese opvatting is derhalwe: Nasionalisme – dom! Linksisme – slim!

Wel, ek het mos belowe om dié opvatting in die sloot van uitgediende politieke idees te gooi en daarop te trap. En vir my volgende toertjie gaan ek dit in twee sinne doen:

Nasionalisme het vir ons die Ou Suid-Afrika gegee.

Linksisme het vir ons die Nuwe Suid-Afrika gegee.

Dit wil sê: Nasionalisme – slim! Linksisme – dom!

Einde van die gesprek. Kom ons praat dan oor  iets veel interessanters.  Voorstelle? Wat van motors? Het ek genoem dat ek ‘n paar weke terug  vir my ‘n ouerige Nissan Patrol-stasiewa gekoop het? Land Cruisers draai hulle aangesigte weg as ek straat af kom. Jeeps probeer op die stoep skuiling vind. Land Rovers piepie olie…

Ag nou ja. Ek is egter nie die motorrubriekskrywer nie. So laat ek, mompelend en dikbek, tot die poltieke gesprek terugkeer.

Waar was ons? O ja – linkses dom!

Nasionalisme het vir die wêreld Detroit 1963 gegee.

Linksisme het vir die wêreld Detroit 2013 gegee.

Piet Croucamp loop te koop met sy "hoë linkse IK"
Piet Croucamp loop te koop met sy “hoë linkse IK”

Is nasionaliste dom, soos Piet Kopdoek postuleer? Ek sou nie so sê nie. Ek ken baie Afrikaner-nasionaliste en baie van hulle is heel skrander. Ek sien kans vir ‘n kroegvasvra teen Krog, Du Preez en Croucamp – as ek vir Dan Roodt en, sê nou maar, Friedel Hansen as spanmaats kan kry (hoewel dit erken moet word dat Krog en Croucamp met ‘n liederlike agterstand belas is met Max as spanlid). Dan Roodt weet alles van omtrent alles – hy’s net ‘n bietjie lig in die sportafdeling, maar met Hansen wat op vasvraevaskop sak, sal ons span nie ‘n sportvraag onbeantwoord laat nie. Ek sal as impakspeler aangewend word vir obskure vrae soos wie Hendrik die Tweede as Engelse koning in 1189 opgevolg het of hoeveel Amerikaanse deelstate se name met die letter “T” begin. Julle impakspeler is ‘n ware myn van nuttelose inligting.

En tog dink ek nie dit dat algemene kennis, of die gebrek daaraan, was wat Croucamp in gedagte gehad het toe hy die uitspraak dat “alle Afrikaners dom is” gemaak het nie. Dit gaan sekerlik vir hom oor die wysheid of onnoselheid van ‘n groep mense. Die linksistiese stelling moet dus aangepas word: Nasionaliste – onnosel! Linksiste – wys!

Maar is dit so? Weereens moet ons die wese van die twee opponerende groepe bekyk. Nasionalisme is veral bemoeid met een manjifieke obsessie: Die oorlewing van die volk. Linksisme begeer die teenoorgestelde: Die vernietiging van die volk. Besluit self: Is oorlewing vir jou belangrik? Dan is jy ‘n Nasionalis. Is dit nie? Ja, jou ou linksis.

Nasionalisme is die ingesteldheid van ‘n volk wat bou en beskerm. Nog geen volk of kultuur of beskawing het enige iets van blywende waarde voortgebring anders as gestu deur ‘n golf van nasionalisme nie. Gaan kyk na enige suksesvolle land, van antieke Griekeland en Rome deur tot die Engeland van die 19de eeu en Amerika van die 20ste, en jy sal sien hoe hulle tydens hulle hoogtepunte as’t ware gevibreer het van nasionalisme.Dit kan nie anders nie: Dis volksliefde wat mense aanspoor om bome te plant wat hulle nooit sal sien vrug dra nie, fondasies gooi van geboue wat hulle nooit sal betree nie, universiteite begin sonder om ooit die geleerdes te ken wat daaruit kom.

Linksisme, daarenteen, kan net verteer wat die Nasionalis gebou het. Hulle bestaan om die Nasionalis se rykdom te verdeel, om sy suksesse te misken en om allerhande booshede aan hom toe te skryf.

Die linksis se aanslag was nog altyd om die Nasionalis te laat glo dat hy dom is. Hulle het die karikatuur van die regse omie met die slaprandhoed, pyp in die bek en kam in die lang kous geskep en aan hom sekere onbesonne, hubristiese politieke menings toegeskryf. Wil jy weet hoekom Piet Croucamp so iesegrimming lyk? Omdat hy weet dat Oom Kam-in-die-Kous reg was oor wat die Nuwe Suid-Afrika sou wees. Oom Kam-in-die-Kous – slim!  Piet Croucamp – dom!

Arme Piet Croucamp. So ‘n paar jaar gelede was dit ‘n gier om vir Max du Preez op openbare forums af te ransel, en ek erken, ek het uitgelate meegemaak daaraan. Dit was net sóveel pret want Max se onbesonne sienings en verflenterde skryfstyl het van hom ‘n maklike teiken gemaak. Té maklik, eintlik, want om hom aan die strot van sy saai en verspotte politieke menings rond te ruk, was naderhand bra vervelig.

[followbutton username=’GustavSVenter’ count=’false’ lang=’en’ theme=’light’]

Lees ook Gustav se vorige rubriek.

Ons het ‘n nuwe slaansak gesoek.

Dankie tog vir Piet Croucamp – die Max du Preez van 2013.

Neem deel aan die gesprek en lewer gerus hier onder kommentaar!

L.W. U gebruik die Disqus-kommentaarafdeling op eie risiko en PRAAG, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene "trol"-gedrag. Enigeen wat só 'n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.
  • AntiLies

    liberaliste? die skape ken tien teen een nie eens die verskil tussen ‘liberalis’ en ‘liberaal’ nie…

    • Seg Net

      Anti wat is die verskil, behalwe dat een ‘n byvoeglike naamwoord is?. As jy liberaal is, is jy mos ‘n liberalis. Of waar mis ek wat?

      • AntiLies

        nee. ‘n liberaal is ‘n ‘bleeding heart’ idioot wat dink alles wat jy het behoort aan almal en almal se swaarkry is jou skuld en groot regering is die antwoord vir al die probleme. Dink ‘hippy’.
        ‘n Liberalis is ‘n ‘libertarian’, iemand wat glo die regering moet 99% uit jou lewe uit en elke mense het die absolute reg tot vryheid en doen wat hy goeddink. ‘n Liberaal is vêr links, ‘n konserwatief is vêr regs, en ‘n liberalis is iewers in die middel. gaan educate jouself en kyk Ron Paul’s farewell speech to congress op Youtube. Ron Paul is ‘n groot liberalis, en absoluut NIE ‘n liberaal nie. GROOT VERSKIL.

  • Riempies

    Ek begin Piet Croucamp jammer kry – nou voor julle
    my met n klip wil doodgooi luister eers wat ek te se het!

    Mens se net ander is dom om een rede – en dit is om
    te impliseer dat jy self baie slim is.

    Hoekom wil n mens vir ander se dat jy slim is –
    omdat ander mense nie self kan agterkom dat jy so slim is as wat jy jouself
    evalueer nie. Die gevolge van hierdie dom mense se insigloosheid is dat jou ego
    verbrokkel jou selfvertroue by die deur uitvlieg en jy weerloos gelaat word teen
    die dom aanslag. Dit wil niemand tog nie.

    Kom ons nooi Piet Croucamp om hier op Praag met ons
    te kom kragte meet oor die regse denke versus die linkse denke – waaroor die
    geveg tog immers gaan en sodoende Piet Croucamp die geleentheid gegun word om sy
    waardigheid te verdedig en te herstel.

    Ek stel voor dat dit n ope gesprek moet wees tussen
    dr. Dan Roodt en dr. Piet Croucamp sonder dat daar n tyd perk gestel word of
    onregverdige redigering plaasvind in beide gevalle. Ons dommes is die enigste
    wie se menings en vrae maar kan gesensor word in hier gesprek tussen twee
    swaargewigte aan beide kant van die spektrum.

  • JohannSchutte

    Ek vermoed ‘linksisme’ word aangevuur deur `n morele-, eerder as `n kognitiewe gebrek.

  • jan

    Ek sien Ian Roberts het ‘n fliek gemaak “Babbelas” dat selfs die resensent in Naspers een (*) gegee het en gekla het dat die fliek jou daai walglike babbelas gevoel gee.
    Dis hierdie Naspers kommersiele Tsafendaskultuur wat nog steeds op die dooie perd van selfkasteiding en selfmutilasie en selfmoord ry.
    Maar die afrikanerperd is dood nou probeer hulle geld maak uit galgehumor, grafskending en leedvermaak. Kompleet soos aasvoëls sak hulle toe op die karkas en propageer soos die Jobstroosters : Dis jou eie skuld dat dit sleg gaan met jou. [Scientology = halwe waarheid].

    Hulle ontken die mag van die Bose Baalgodsdiens en loop agter die heidense profeet Nongwasi aan deur selfmoord te preek….

    Is dit nie dramaties gedemontsreer met die onlangse tragiese gesinsmoord van ‘n Naspers amptenaar nie ? en die gevolglike sluiting van Media 24?

    Raak besig met Orania – die enigste opsie wat die vakuum van Nietzche se verskriklike leegheid van Godverlatenheid sal kan vul.

    • Arnieann

      Die Afrikaner selfbeskikkings strewe is Orania.
      Al hou nie almal van die “dorpie” nie.

      • Riempies

        Arnie nie almal is dieselfde nie – wie stop die res om hulle eie volksdorpe (kantonne) te stig en uit te bou – maar die vermoee om iets te bou en tot stand te bring met deursettings vermoee van ons volks vaders en Voortrekkers ontbreek jammerlik by die jonger geslag Afrikaners.

        • Arnieann

          Ek soek net gou na die regte woorde om my gedagte te omskryf.
          Ons almal moet ‘n “Orania” gedagte kweek.
          ‘n Ander woord vir selfbeskikking.
          Ek wil Orania toe trek, maar nie die dorpie daar langs die rivier nie.

          • jan

            Wat van
            ORANGEER?= self werksaamheid + trek.
            Of VOORANIA [-ner] = selfwerk + vooruitgang
            Of VOORANGEER[-der] = vreemde arbeid afdank + grootskaal belê in OSK.teen die beste rentes.En die skole en besighede in Orania steun.

            As jy dit nie doen nie is jy bloot ‘n koggelram of klophings.naamlik ‘n Tafendatel of iets in dier voege.
            Ook ‘n ‘Tsafenbokryer’ kook op. [Soos op Wille Esterhuizen se T hempie staan in daaie uiters komiese advertensie:) 🙂 🙂

          • Arnieann

            Ek is nie seker of jy nou sommer net die gek skeer hier nie.
            Hoe dit ookal mag wees jan, ek dink ek het my vir die wat net ‘n halwe woord nodig het, duidelik gemaak.
            Ek is ‘n absolute voorstander vir selfbeskkking, maar woon nie op of in Orania nie. Ek woon ook nie in Umtata of Putsonderwater nie.
            Ek het wel die behoefte om na ‘n (hin) Orania toe te verhuis, behalwe die een langs die groot rivier.

          • jan

            Elke ou wat sy swart arbeid meganiseer is besig met Oraniafisering van sy selfbeskikking – sonder om te trek.

            Dink aan die geweldige ekonomiese ramp wat die wêreld in die oge staar – al die rooi ligte is aan vir globale finansiele ineenstorting dan sien jy ook Orania as ‘n verskanste belegging – sonder om te trek.

            Sonder om tiette te vryf met ouens op Orania vir wie jy nie tyd het nie….. Hmm?

            Alles het ‘n prys nê ?

            Daar bestaan nie so-iets soos ‘n vry maaltyd nie.

          • Arnieann

            Ek en jy sal nooit oor enigiets saam stem nie.
            Ek weet van jou, en ook dat jy op Orania woon.
            Vandaar dalk die feit dat ek nie daar wil gaan woon nie.
            Ek is in die vermoë om groot dinge in ” hin Orania” te doen, en is nie bloot net ‘n inwoner van die plek soos jy nie. Mmnnnn!!!

          • Boerewitman1

            Wat dink julle van die kommune gedagte, sou dit vir die Afrikane/Boer werk. Kyk ek na hoe suksesvol die skema in Isreal werk, kan dit tot groot voordeel van ons bevolkins groep wees.

  • Melt Olckers

    Die Broeders het ons ‘n slegte naam gegee deur te beweer hulle tree namens on sop. Nou is dit daardie selfde Broeders wat ons beskuldig van hulle dade, noudat hulle by die ANC aangesluit het.

  • Kalium_Chloraat

    Rekeningkunde se T- rekening is nes die politiek, want die Regterkant moet altyd net gee en die Linkerkant moet altyd net vat.

  • Arnieann

    Ek verlustig my in hierdie pen en papier “Oorlog” teen die “dom” Linkses.
    Dit moes jarre gelede al gedoen gewees het. Hulle kom nog al die pad met skryfmoord teen ons nie-liberales weg.
    Hulle fonteintjie waaruit hulle so gulsig modderwater uitgesuig het, het opgedroog.
    Die liberale NSA bied ons ‘n onuitputlikke bron van bewysbare mislukkings.
    Laat ons dit elke dag aan hulle gesigte smeer.
    Mense hou nie daarvan om met onsuksesvolle mense met wie daar die spot gedryf word, geassosieër te word nie.
    Ons het daardie wapens in die talle Regse Afrikaner bewegings.
    Ek merk dat daar nou deesdaë meer en meer met hierdie anti-Afrikaner karakters gespot word. Nie net in regse kringe nie, maar selfs van die minder lingse groepe.

  • De Juur

    Dit gaan op die einde van die dag oor mense se beginsels.
    .
    Daar is ‘n beter en meer akkurate definisie om ‘n (sekulêre) links-liberale humanis (Linkse) mee te beskryf. ‘n Linkse is iemand wat (in) die liberaal-humanistiese (bose, siek) beginsels van die Theosophical Society glo, dit bevorder en/of verkondig, naamlik :

    .

    (1) “All men (all races) have spiritually and physically the same origin. All men are equal…which is the fundamental teaching of Theosophy.”

    .

    (2) “The aim of Theosophy is to promote and form a nucleus of the Universal Brotherhood of Humanity, without distinction of race, creed, sex, caste or colour.”

    .

    Linkses glo dus in die universiële liberale leuen van (inter-rassige) “vryheid, gelykheid, broederskap, verbroedering, versoening, eenmaking en vermenging” – op beiede geestelike (religieuse, filosofiese, morele) sowel as fisiese (sosiale) vlakke.

    .

    Linkses glo dus dat : “Alle rasse stam van Adam & Eva (een gemeenskaplike oorsprong) af ; alle rasse (of nie-blankes) is dus my (potensiële) medemense, gelykes, naastes, broers en mede gelowiges”… bla bla bla… (kots!)…

    .
    Nasionalistiese / pro-wit / konserwatiewe / behoudende witmense glo NIE in die bostaande liberale Teosofiese GEMORS nie. Nee… hulle glo in (fisiese & geestelike) APARTHEID.
    .