N.a.v. ‘n eertydse ANC-projek om die hand van Afrika te vereer deur ‘n reusehand te bou, sê ek: Gaan gerus voort en bou daardie mensehand wat uit die grond deur die tralies bars!
Bou hom só hoog en ontsaglik dat hy oor alle horisonne vir alle mense van alle tye sigbaar kan wees as embleem van Afrika.
‘n Veeldadige, veelbewoë, veelseggende hand, met sóveel mag, sóveel onmag, sóveel lyding, en sóveel verwoesting in sy swaai.
Bou ‘n manjifieke kolossale hand wat deur tralies en ordes breek, en uit die grond van Afrika smeek dat God die ontlende liggaam waaraan dié hand behoort, uit sy donker nood, uit die bloedige aardkors waarin dit hulpeloos gevange en begrawe is, na die lig van beskawing en wetenskap sal optrek.
Elke kontinent het iets wat hom versinnebeeld: Europa sy katedrale en Eiffeltorings, Amerika sy Statutes of Liberties, Asië sy Mure en Moskees, Arabië sy Piramides, en Afrika, sy ruines.
Wat anders het Afrika, wat vir ewig kan uitstaan as simbool van sy waardes en wanprestasies?
Gee Afrika ‘n hand! ‘n Ontsaglike hand van staal en beton, wat die hemele ìngryp.
Strek en span die tegnologie tot sy uiterste. Verenig kapitaal en kundigheid vanoor die ganse wêreld en bou daardie hand só ontsaglik as wat die wiskunde, die ingenieurswese, die boukunde, die kunste en die bestuurvermoëns van die mens mag toelaat.
Verhef daardie hand hoog bokant stede, vlaktes en beskawings! Vul sy gebeendere en spiere met roltrappe, bou sy palm vol handelsentrums, en sy vingerpunte vol balkonne en uitkykpunte vir vergesigte oor die waarhede van Afrika!
Skep met daardie edele projek, visie en werk vir die vlesige, honger, bedelende hande van Afrika. Laat hulle singend en dansend self die materiaal na die bouperseel aandra. Laat hulle die stene en beton van hand tot hand teen die steiers vir mekaar aangee na die groeipunte van die struktuur, hoog in die ruimte. Laat hulle die staal vorm en sweis, beton meng, stene pak, mure verf en die tuine versorg. Laat hulle self bou aan die hand vir Afrika, en leer om dit te onderhou!
Die aardbol het ‘n hand nodig om Afrika uit die bloedgrond van sy ontwyde, ontlende kontinent na die hemele op te trek.
Om ‘n ontsaglike simboliese hand vir Afrika te bou, is een van die groot imperatiewe van die twintigste eeu.
‘n Stoflike relaas van hierdie eeu – aan die volgende eeu – van wat die wesens van Afrika met haar gawes uitgerig het, sal onvolledig en vals wees sonder daardie beoogde monument wat vir alle geslagte en vir die ganse menseryk as simbool kan dien van die bedelende, smekende, verwoestende, vraende, jubelende, swaaiende, wuiwende, plunderende, moordende, grypende, desperate, hand van Afrika
чем лечить десна
Neem deel aan die gesprek en lewer gerus hier onder kommentaar!
L.W. U gebruik die Disqus-kommentaarafdeling op eie risiko en PRAAG, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene "trol"-gedrag. Enigeen wat só 'n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.
Sorg dat meer mense die blad lees deur dit met u vriende te deel:
Related
